اسلام آبا?? ۔ 31 اکتوبر (اے پی پی) الیکشن کمیشن آکھیا ہے جو آندے عام انتخابات اچ شفافیت سانگے واٹر مارک بیلٹ پیپر چھاپیے ویسن ِآندے عام انتخابات اچ ریٹرننگ افسر عدالت توں وی گھدے ویسن ،سنجیدہ امیدوار اںکوں سامنڑے گھنڑ آونڑ سانگے نامزدگی فیس ودھار ڈتی ??ے ۔ منگل کو ںالیکشن کمیشن دے اہتمام عام انتخابات 2018دیاں تیاریاں متعلق میڈیا ورکشاپ دا انعقاد تھیا جیں اچ حکام الیکشن کمیشن آکھیا جو الیکشن ایکٹ 2017توں مالی اتے انتظامی خودمختاری ملی ہے، آندے عام انتخابات سانگے انتخابی مواد دی خریداری دا عمل جاری ہے تے آندے عام انتخابات اچ اضافی بیلٹ پیپر کائناں چھاپیے ویسن ۔الیکشن کمیشن حکام آکھیا جو شفافیت سانگے واٹر مارک بیلٹ پیپرز چھاپیے ویسن ،آندے عام انتخابات اچ ریٹر ننگ افسر عدالت توں وی گھدے ویسن ،قومی اسمبلی دے امیدوار دی فیس 30 ہزارجڈاں جو صوبائی اسمبلی اتے سینیٹ دے امیدوار 20، 20 ہزار فیس جمع کرویسن، قومی اسمبلی امیدوار 40 لکھ، صوبائی اسمبلی 20 لکھ اتے سینیٹ امیدوار 15 لکھ تئیں انتخابی خرچہ کر سگسن۔الیکشن کمیشن دے مطابق ہک پولنگ سٹیشن اچ ودھ توں ودھ 12سو ووٹر ہوسن ،، ریٹرننگ اتے اسسٹنٹ ریٹرننگ افسر دی تعیناتی 2 مہینے پہلے عمل اچ لاتی ویسی ۔ہک پولنگ سٹیشن اچ ودھ توںودھ چار پولنگ بوتھ بنڑائے ویسن ،انتخابات سانگے انتخابی موادد ی خریداری دا عمل شروع تھی گیا ہے جڈاں جو صوبیں انتخابات سانگے اپنڑی ضروریات بارے ڈسایا ڈتا ??ے ۔عام انتخابات اچ 10کروڑ توں ودھ ووٹر اپنڑے ووٹ دا حق استعمال کریسن ۔ امیدوار، پولنگ ایجنٹس، مشاہدہ کاراں، سیکورٹی اہلکاراںسانگے ضابطہ اخلاق بنڑایا ویسی ۔ایںموقع تے اظہار خیال کریندے ہوئیںسیکرٹری الیکشن کمیشن آکھیا جو میڈیا توں کوئی چیز خفیہ کائنی رکھی ، الیکشن ایکٹ توں الیکشن کمیشن دی خودمختاری اچ ودھارا تھیا ہے جڈاں جو الیکشن کمیشن کوں رولزبنڑاونڑ دا اختیار پہلی واری ڈتا گیا ہے تاں جو ہنڑ رولز سانگے صدر یا وزیراعظم دی منظوری درک??ر کائنی ۔انہاں آکھیا جو انتخابی عملے تے ہنڑ الیکشن کمیشن دا پورا کنڑول ہوسی ،بھارت وانگوں پاکستان اچ وی انتخابی عملہ الیکشن کمیشن دے ماتحت ہوسی ،مس کنڈکٹ تے انتخابی عملے دے خلاف الیکشن کمیشن انضباطی کاروائی کریسی ۔
