تیانجن۔15 جولائی (اے پی پی) نائب وزیراعظم و وزیر خارجہ سینیٹر محمد اسحاق ڈار آکھیے جو پاکستان اپݨے سارے ہمسایہ ملکاں نال پرامن تعلقات چاہندے ایںدے نال خطے اچ استحکام اتے باہمی تعاون کوں ودھاوݨ سانگے اہم اے۔ پاکستان شنگھائی ??عاون تنظیم کوں سیاسی، سفارتی اتے معاشی اہمیت آلا ہک وݙا پلیٹ فارم سمڄھدے۔ چین دے شہر تیانجن وچ شنگھائی ??عاون تنظیم (ایس سی او) دے وزرائے خارجہ کونسل (سی ایف ایم) دے اجلاس اچ انہاں شنگھائی ??عاون تنظیم دے مقاصد دے حوالے نال پاکستان دے غیرمتزلزل عہد دی تجدید کریندے ہوئیں خطے دی اجتماعی صلاحیتاں کوں مکمل طور تے استعمال کرݨ، علاقائی ??وابط، سانجھی خوشحالی، پائیدار ترقی اتے دیرپا امن کوں فروغ ݙیوݨ سانگے اقدامات کرݨ تے زور ݙتا۔ انہاں آکھیا جو پاکستان بین الاقوامی قوانین دی پاسداری اتے اقوام متحدہ دی سلامتی کونسل دیاں متعلقہ قرارداداں تے عملدرآمد دی اہمیت تے زور ݙتا تاں جو لمبے عرصے توں جاری تنازعات کوں حل کیتا ونڄ سڳے اتے تصادم دی سیاست اتے ݙوہرے معیاراں توں گریز کیتا ونڄ سڳے۔ نائب وزیراعظم اسحاق ڈار آکھیا جو “اساں چین دی گہری وابستگی اتے ایں سال شنگھائی ??عاون تنظیم دی مضبوطی اچ ایںدے کردار کوں قدر نال ݙیہدے ہیں۔” نائب وزیر اعظم و وزیر خارجہ آکھیا جو عالمی چیلنج?? دے ایں دور اچ شنگھائی ??عاون تنظیم ہک مستحکم قوت دے طور تے ابھری اے، جیںدا جامع نقطہ نظر ملکاں دی خودمختاری اتے تنازعات دے پرامن حل تے زور ݙیندے، اتفاق، ترقی اتے باہمی احترام سانگے ایس سی او دا عزم ہک بہتر اتے مساوی دنیا دی تعمیر سانگے امید دی کِرݨ اے۔ انہاں آکھیا جو پاکستان اقوام متحدہ اتے شنگھائی ??عاون تنظیم دے چارٹر دے اصولاں تے کاربند رہݨ دے عزم دی تجدید کریندے، اساں امن اتے سلامتی سانگے غیر جارحیت، داخلی معاملیاں اچ عدم مداخلت اتے طاقت دے استعمال توں گری?? دے اصولاں تے یقین رکھدے ہیں۔ نائب وزیر اعظم آکھیا جو اساں دیرینہ حل طلب تنازعات دے پرامن حل تے زور ݙیندے ہیں، جنہاں دا حل بین الاقوامی قانون، انصاف اتے دیانت داری دی بنیاد تے ہووݨا چاہیدے۔ انہاں آکھیا جو پاکستان کوں جارحیت کوں پالیسی دے ہک آلے دے طور تے استعمال کرݨ دے رجحانات تے وݙا چنتا اے۔ انہاں آکھیا جو اساں اسرائیل دی ایران دے خلاف بلاجواز جارحیت اتے امریکہ دے جوہری تنصیبات تے حملیاں دی سختی نال مذمت کیتی اے، شنگھائی ??عاون تنظیم دے رکن ملکاں دے خلاف اینڄھے غیر قانونی اقدامات ناقابل قبول ہن۔ اسحاق ڈار غزہ اچ اسرائیلی مظالم اتے جاری انسانی بحران کوں فوری روکݨ دی لوڑ تے زور ݙتا اتے آکھیا جو فلسطین دے تنازعے دا واحد حل ݙو ریاستی فارمولہ اے، جیںدے اچ 1967ء دیاں سرحداں تے مشتمل ہک خودمختار فلسطینی ریاست دا قیام شامل اے۔ انہاں آکھیا جو متنازعہ علاقیاں دی یکطرفہ اتے غیر قانونی طور تے تبدیل شدہ حیثیت دی مذمت کیتی ونجݨی چاہیدی اے۔ وزیر خارجہ آکھیا جو پاکستان اپݨے سارے ہمسایہ ملکاں نال امن اتے استحکام چاہندے ٻھل گزریل ترائے مہینیاں اچ جنوبی ایشیا اچ ٻہوں پریشان کن واقعات تھئن، اساں مکالمے اتے سفارت کاری نال تنازعات دے حل تے یقین رکھدے ہیں، جنوبی ایشیا اچ امن سانگے جامع مذاکرات دی شروعات اے۔ اسحاق ڈار آکھیا جو 22 اپریل 2025 دے بعد دے واقعات جنوبی ایشیا دی سیاست اچ ہک اہم حقیقت کوں واضح کیتے جو دیرینہ حل طلب تنازعات دا پرامن حل خطے اچ پائیدار امن سانگے ضروری اے۔ شنگھائی ??عاون تنظیم دی ودھدی ہوئی ??ہمیت سانڳے وزیر خارجہ اسحاق ڈار آکھیا جو اساں تنظیم دیاں جدید تقاضیاں دے مط??ب?? اصلاحات دی حمایت کریندے ہیں، سلامتی دے شعبے اچ چار نویں مرکزاں دا قیام تعاون کوں ٻیا مضبوط بݨیسی۔ انہاں آکھیا جو اساں انگریزی کوں تنظیم دی تریجھی سرکاری زبان بݨاوݨ دی تجویز دی حمایت کریندے ہیں۔ انہاں آکھیا جو افغانستان اچ پائیدار امن ساݙی سانجھی خواہش اے ایں سانڳے ایس سی او افغانستان رابطہ گروپ دی بحالی ہک موثر پلیٹ فارم ثابت تھی سڳدی اے۔ نائب وزیر اعظم و وزیر خارجہ آکھیا جو دہشت گردی انسانیت سانگے ہک سانجھا خطرہ اے، ساکوں ایںدے خلاف متحد تھی تے کم کرݨا ہوسی۔ انہاں آکھیا جو چین-پاکستان اقتصادی راہداری (سی پیک) شنگھائی ??عاون تنظیم دے وژن کوں تکڑا کریندے۔ نائب وزیر اعظم آکھیا جو ساکوں قومی کرنسیاں دے استعمال اتے تجارتی تعاون کوں فروغ ݙیوݨا چاہیدے، پاکستان غربت دے خاتمے سانگے شنگھائی ??عاون تنظیم دی خصوصی ورکنگ گروپ دی مستقل صدارت تے ماݨ کریندے، موسمیاتی تبدیلی دے خطرے نال نبڑݨ سانگے اجتماعی اقدامات کرݨے چاہیدن۔ اساں “شنگھائی ??پرٹ” دیاں اقدار دے تحت امن، خوشحالی اتے استحکام سانگے رل مل تے کم کریسوں۔ انہاں ایں موقع تے ݙوجھے ایس سی او رکن ملکاں دے وزرائے خارجہ دے نال ݙوطرفہ ملاقاتاں وی کیتیاں، جیندے اچ ایران دے وزیر خارجہ نال گالھ مہاڑ وی شامل ہائی۔
.jpg)
.jpg)
.jpg)
