اسلام آباد ۔ 12 دسمبر (اے پی پی) محکمہ موسمیات دے مطابق آندے 24گھنٹیاں دے دوران ملک دے بہوں سارے علاقیاں اچ موسم ٹھڈا تے رُکھا راہسی ۔ جڈانجو مالاکنڈ، ہزارہ، پشاور، کوئٹہ، ژوب، راولپنڈی ڈویژن، اسلام آباد، بالائی فاٹا، کشمیر اتے گلگت بلتستان اچ کجھ جاہیں تے بارش تے پہاڑاں اُتے برف باری دا امکان ہے جڈانجو پنجاب، خیبر پختونخوا دے میدانی علاقیاں اتے اُتلے سندھ اچ رات تے سویل دے ویلھے اچ شدید کوہیڑ دی پیش گوئی کیتی گئی ہے ۔ محکمہ موسمیات دے مطابق گزریل 24 گھنٹیاں اچ ملک دے بہوں سارے علاقیاں اچ موسم ٹھڈا تے رُکھا ریہا۔ جڈانجو پنجاب دے میدانی اتے اُتلے سندھ دے بہوں سارے علاقے شدید کوہیڑ دی وٹھ اچ ریہے ۔
