اسلام آباد۔19نومبر (اے پی پی) نیشنل انسٹی ٹیوٹ آف ہیلتھ اچ انسداد پولیو دی ریجنل ریفرنس لیبارٹری پاکستان اچ وائلڈ پولیو وائرس (ڈبلیو پی وی 1) دے ہک ٻئے کیس دی تصدیق کیتی اے۔ منگل کوں این آئی ایچ توں جاری بیان موجب لیبارٹری خیبر پختونخوا دے ضلع ٹانک توں تعلق رکھݨ آلی ٻالڑی دے کیس دی تصدیق کیتی جئیں دے بعد ایں سال کیسز دی تعداد پنڄاہ تھی ڳئی اے۔ جمع کیتے ڳئے نمونیاں توں انڄ کیتے ڳئے وائرس دی جینیاتی ترتیب توں پتہ لڳیے جو اے جینیاتی طور ڈبلیو پی وی 1 نال جڑیا ہوئے جیڑھا جولائی اچ ایں ضلع اچ پاتا ڳئیا ہئی۔ ٹانک توں پولیو دا اے ݙوجھا کیس اتے پاکستان توں ایں سال پولیو دا 50 واں کیس اے۔ ہݨ تئیں بلوچستاں توں 24، سندھ توں 13، خیبر پختونخوا توں 11، پنجاب اتے اسلام آباد توں ہک ہک کیس رپورٹ تھیے۔
