اسلام آباد۔20نومبر (اے پی پی) وزیراعظم دے ترجمان معاون خصوصی برائے سیاسی ابلاغ ڈاکٹر شہباز گِل شہباز شریف دے بیان دے ولدے اچ آکھیا جو وزارت اعلیٰ دے ݙاہ سالیں اچ شریف ٹبر دے اثاثے ستر گنا ودھین، حمزہ شہباز دے اثاثے ترائے ہزار گنا ودھارا کالے دن توں تھیے، ،منی لانڈرنگ دے چمپئن سلمان شہباز دے اثاثے 8ہزار گنا ودھین، ہفتے کوں آپݨے بیان اچ ڈاکٹر شہباز گل آکھیا جو کل تئیں تاں تساں آکھدے رہے جو میݙے ٻال کینویں ارب پتی رہے میکوں کائںی پتہ، کجھ ݙینھ پیلے تساں مفرور پتر دے لندن بینک اکاؤنٹ ایکٹیویشن تے بھنگڑے پاتے اتے اڄ ولا ہک واری ولا آپݨے پتراں دی دولت توں لاتعلقی دا اعلان کریندے پئ۔ انہاں آکھیا جو وزارت اعلیٰ دے ݙاہ سالیں اچ شریف ٹبر دے اثاثے ستر گنا ودھین۔
