سیالکوٹ۔22جنوری(اے پی پی) وزیر دفاع خواجہ محمد آصف آکھیے پاکستان مسلم لیگ (ن) دی ہمیشہ توں اے ترجیح رہی اے جو عوامی مسئلیں دے حل کیتے پکے اقدامات کیتے ویسن ،اساکوں پتہ اے جو عوام مہانگ دا سامݨا کریندے پئن لیکن ایں مہانگ دی ذمے واری عمران خان دی سابق حکومت اے جئیں ملکی معیشت کوں تباہ کر تے رکھ ݙتا، اساں ملکی معیشت دے استحکام کیتے ݙینھ رات کوشاں ہیسے تے پرعزم ہیسے جو ساݙی محنت ضرور کامیاب تھیسی تے پاکستان مسلم لیگ (ن) ول ملک کوں ترقی و خوشحالی دے رستے تے گامزن کرݨ اچ کامیاب تھی ویسی ۔ اے ڳالھیں انہاں سیالکوٹ دی یونین کونسل احمد پورہ دا دورہ کریندے ہوئیں علاقہ مکیناں نال ڳالھ مہاڑ کریندے ہوئیں آکھئن ۔خواجہ محمد آصف عوام اچ گھل مل ڳئے اتے انہاں دے مسئلے سݨ تے موقع تے انہاں کوں حل کرݨ دے احکامات جاری کیتے ۔ وزیر دفاع آکھیے قوم دی دھی مریم نواز شریف اپݨے علاج توں بعد وطن واپس تشریف گھن آندیاں پئن عوم انہاں دا پرجوش استقبال کریسن ۔ انہاں آکھیے مریم نواز دی آمد نال ساݙی جماعت مستحکم تھیسی تے اساں پنجاب اچ انتخابات کیتے آپݨی مہم شروع کریسوں ۔
.jpg)
