اسلام آباد۔27جولائی(اے پی پی):وفاقی وزیر اطلاعات و نشریات مریم اورنگزیب فنکاراں کیتے ہیلتھ انشورنس رجسٹریشن فارم دا اجرا کریندے آکھیے جو حکومت صحافیاں آلی کار فنکاراں کیتے وی ہیلتھ انشورنس پروگرام شروع کرݙتے، وزیراعظم شہباز شریف تیکھے آپ فنکاراں کوں ہیلتھ کارݙ ݙیسن۔ اے ڳالھ انہاں اسلام آباد اچ فنکاراں کیتے ہیلتھ انشورنس رجسٹریشن فارم دے اجرا دی تقریب نال خطاب اچ آکھی۔ انہاں آکھیا جو آندے بجٹ اچ تاریخ اچ پہلی واری صحافیاں اتے میڈیا ورکرز دے ہیلتھ انشورنس پروگرام کیتے فنڈز رکھیے ڳن، فن کار وی ساݙا قومی ترکہ ہین جیندی فلاح ترجیح اے، فنکاراں کیتے وی ہیلتھ انشورنس پروگرام شروع کرݙتے، فنکاراں کوں صحت دی جدید سہولتاں ݙیوݨ کیتے آرٹسٹ ہیلتھ انشورنس پروگرام شروع کیتے اتے فنکار آپ کوں www.demp.gov تے رجسٹرڈ کرسڳسن اتے انہاں کوں سوکھیں پرائیویٹ ہسپتالاں اچ علاج دی سہولت ملسی۔
