اسلام آباد۔4نومبر(اے پی پی):ڈی آئی خان پسنی اتے میانوالی اچ حملہ آور دہشتگرداں دے ناں انڄ ضرور ہوسن لیکن پس پردہ دشمن ھک ہی اے ۔ اے ڳالھ نگران وزیر داخلہ سرفراز احمد بگٹی ہفتے دے ݙینھ ایکس تے آپݨے ھک ٹویٹ اچ آکھی اے ۔ انہاں آکھیے جو دہشتگردی دی اڄوکی لہر پاکستان کوں ول بے یقینی اتے عدم استحکام دا شکار کرݨ دی سازش اے لیکن سول اتے ملٹری ادارے یکجان تھی تے خون دے چھیکڑی قطرے تئیں ملک دا دفاع کریسن تے دشمن دی سازشاں کوں ناکام بݨیسن ۔
