کراچی۔23اگست(اے پی پی) پاک بحریہ دیاں ریسکیو ٹیماں سندھ دے چھل متاثرہ علاقیاں اچ امدادی کارروائیاں کرینداں پین۔ ترجمان پاک بحریہ ݙسائے جو پاک بحریہ دے جوان سجاول، شاہ بندر، کیٹی بندر، جاتی، چوہڑ جمالی، گھوٹکی، مرید کھوسو اتے میر پور خاص دے علاقیاں اچ امدادی سرگرمیاں اچ ردھے ہوئن، میڈیکل اتے غوطہ خور ٹیماں مقامی لوکاں کوں بچاوݨ، ریلیف اتے طبی سہولتاں ݙینداں پن۔ ترجمان موجب پاک بحریہ سول انتظامیہ نال رل تے متاثرہ علاقیاں توں پاݨی کݙھݨ، متاثرین کوں کھاوݨ پیوݨ دا سامان ݙیوݨ سودھا امداد اتے بحالی دی کماں اچ ردھی ہوئی اے۔
