اسلام آباد۔26اکتوبر (اے پی پی) وزیر اعظم شہباز شریف یکم نومبر توں چین دا ݙو ݙینھ دا دورہ کریسن۔ وزیر خارجہ بلاول بھٹو زرداری سمیت اعلیٰ سطح دا وفد وی انہاں دےنال ہوسی۔ وزیراعظم کوں ایں دورے دی دعوت عوامی جمہوریہ چین دی ریاستی کونسل دے وزیر اعظم لی کی چیانگ ݙتی اے۔ دفتر خارجہ دے ترجمان ولوں بدھ کوں جاری بیان موجب ایں سال اپریل اچ دفتر خارجہ دے ترجمان ولوں بدھ کوں جاری بیان موجب ایں سال اپریل اچ وزارت عظمٰی دا منصب سنبھالݨ دے بعد وزیر اعظم محمد شہباز شریف دا چین دا پہلا دورہ ہوسی۔ وزیر اعظم دورہ وچال صدر شی جن پنگ نال ملاقات کریسن اتے وزیراعظم لی کی چیانگ نال وفود دی سطح تے ڳالھ تھیسی۔
