اسلام آباد – 04 جون (اي پي پي) صدر ڊاڪٽر عارف علوي معاشري جي پيڙهيل طبقي جي مدد لاءِ ڏورانهن علائقن تائين پاڪستان بيت المال جي پهچ وڌائڻ تي زور ڏيندي چيو آهي ته بيواهن، يتيمن، لاچار عورتن ۽ خصوصي ماڻهن جي مالي مدد جي لاءِ غربت ۾ ورتل علائقن تي ڌيان ڏنو وڃي، معاشري جي ڪمزور طبقن جي مسئلن جي حل لاءِ حڪومت ۽ نجي شعبي کي گڏجي ڪم ڪرڻ جي ضرورت آهي. اهڙن خيالن جو اظهار هن ايوان صدر ۾ پاڪستان بيت المال جي حوالي سان بريفنگ اجلاس جي صدارت ڪندي ڪيو.