اسلام آباد – 17 – نومبر (اي پي پي) اطلاعات ۽ نشريات واري مملتڪي وزير فرخ حبيب چيو آهي ته انشاءَ الله اڄ پارليامينٽ جي گڏيل اجلاس ۾ اي وي ايم ۽ ٻاهرئين ملڪ پاڪستانين کي ووٽنگ جي حق جي حوالي سان قانونسازي مڪمل ٿي ويندي. پنهنجي هڪ ٽوئيٽ ۾ مملڪتي وزير چيو ته اي وي ايم ذريعي صاف شفاف چونڊن جو بنياد رکيو ويندو. فرخ حبيب چيو ته ٺپا مافيا ڌانڌلي ذريعي اقتدار ۾ ايندي هئي ان جو رستو سدائين جي لاءِ بند ٿي ويندو.
