اسلام آباد۔12اپریل (اے پی پی) وزیراعظم شہباز شریف منگل کوں اتحادی جماعتاں دے قائدین نال انڄ انڄ ملاقات کیتی۔ وزیراعظم آفس دے میڈیا ونگ ولوں جاری بیان دے مطابق وزیراعظم میاں محمد شہباز شریف ، پی پی پی دے چئیرمین بلاول بھٹو زرداری اتے ایم کیو ایم دے ڈاکٹر خالد مقبول صدیقی نال ملاقات کیتی۔ وزیراعظم شہباز شریف مولانا فضل الرحمان دے گھر ڳئے اتے انہاں نال ملاقات کیتی۔ وزیراعظم شہباز شریف ، سردار اختر مینگل، ڈاکٹر خالد مگسی، شاہ زین بگٹی اتے اسلم بھوتانی نال وی ملاقات کیتی۔ شہباز شریف ، وزیراعظم دے منصب تے آپݨی نامزدگی، حمایت اچ ووٹ ݙیوݨ اتے تعاون تے انڄ انڄ سارے قائدین، رہنماواں اتے اراکین اسمبلی دا شکریہ ادا کیتا۔
