اسلام آباد۔11فروری(اے پی پی)وزیرِ اعظم محمد شہباز شریف شام دے وزیرِ اعظم کوں یقین ݙیوائے جو ایں سوکھے ویلھے پاکستان اپݨے شامی ٻھیݨ ٻھراواں دا پورا ہتھ ونݙیسی۔ پاکستان ولوں تیکھے شام دے زلزلہ زدگان کیتے امدادی سامان دا قافلہ بھڄیا ویسی۔ ہک بیان اچ وزیرِ اعظم شہباز شریف شام دے وزیرِ اعظم حسین آرنوس کوں فون کیتے اتے شام اچ زلزلے پاروں وݙے جانی تے مالی ضیان تے افسوس کیتے۔ انہاں شامی وزیرِ اعظم دی ٻھیݨ، انہاں دے 11 ٻالاں، پوترے ݙوتریاں دے مرݨ تے وی پرچاوݨی ݙتی اتے سوگواران کیتے صبرِ دی دعا منڳی۔ وزیرِ اعظم آکھیے جو پاکستان دی حکومت اتے عوام شام دی حکومت اتے مسلمان ٻھراواں دے نال کھڑن، شام دے زلزلہ زدگان کیتے پاکستان پورا ہتھ ونݙیسی اتے تیکھے امدادی سامان ٻھیڄیا ویسی، ایں سانڳے شام اچ پاکستان دے سفیر شامی حکام نال رابطے اچ ہین۔ پاکستان پہلے ہی زلزلہ زدگان کیتے امداد دا خصوصی طیارہ شام بھیج چکیے جیندے اچ خیمے، گرم کپڑے اتے کمبل شامل ہین، ڄݙاں جو زخمیاں دی طبی امداد کیتے پاکستانی طبی ٹیم وی ٻھیڄی ویسی۔
