کراچی۔ 11 اگست (اے پی پی) پاکستان پیپلزپارٹی دے چیئرمین بلاول بھٹو زرداری آکھیے اقلیتوں دے حقوق دا تحفظ وی آئین دی پاسداری اے،نفرت تے ونڈ دی سیاست مکاوݨ تے اقلیتاں سودھے سارے پسماندہ طبقیں کوں سماجی انصاف صرف پیپلز پارٹی ݙیوا سڳدی اے ،بانی پاکستان قائداعظم محمد علی جناح 11 اگست دی تاریخی تقریر اچ واضح کرݙتا ہئی جو نویں ریاست اچ سارے شہریاں کوں ھکو سویں حقوق تے مذہبی آزادی حاصل ہوسی۔ بلاول ہاؤس دے میڈیا سیل توں جاری بیان موجب بلاول بھٹو زرداری اقلیتاں دے قومی ݙینھ تے آپݨے سنھیے اچ آکھیے پیپلز پارٹی اقلیتاں دے حقوق اتے مفادات دے تحفظ کیتے ہمیشہ عادلانہ و قابلِ عمل نقطہ نظر اختیار کیتے،1973 دا آئین پی پی پی دے نقطہ نظر دی ھک واضح مثال اے، جیڑھے ساریاں اقلیتاں کوں ھکو سویں حقوق دی ضمانت ݙیندے ۔ بلاول بھٹو زرداری آکھیے شہید محترمہ بینظیر بھٹو اپݨے وزارتِ عظمیٰ دے ویلھے اقلیتاں دے مسئلے حل تے انہاں دی ترقی و بہبود کیتے بےشمار قدم چاتے ،بینظیر بھٹو دے انہاں اچ وزارتِ اقلیتی امور دا قیام وی شامل اے۔
