اسلام آباد۔10جنوری(اے پی پی)وفاقی وزیر اطلاعات و نشریات چوہدری فواد حسین آکھیے جو شہباز شریف کوں حادثات تے وی سیاست یا ڈرامے بازی توں علاوہ ٻیا کڄھ نئیں آندا، اے عادی شعبدہ باز ہین جیڑھے 30 تریح سال حکومت کرتے وی لیڈر نئیں ٻݨ سڳیے، اڄ دا”پیبلو ایسکوبار“ ساکوں ݙسیندے جو نیرو ستا پیا ہا، جیکر انہاں پنجاب اتے مری اچ کڄھ لایا ہوندا تاں اڄ اے ݙینھ نہ ݙکھݨا پوندا، شریف ٹٻر صرف اپݨے محلات ٻݨائن، انہاں دےد ور اچ صرف انہاں دے گھر اتے گجھر آلے ہی ترقی کریندے رہین۔ اے ڳالھ انہاں قومی اسمبلی اچ الیندے آکھی۔ انہاں آکھیا جو تحریک انصاف دے سوا مری ریسکیو آپریشن اچ کوئی ٻئی جماعت کائنا ہئی، اساں انشاءاللہ عمران خان دی قیادت اچ نواں پاکستان ٻݨا تے ݙکھیسوں۔ فواد چوہدری آکھیا جو شہباز شریف دےد ور اچ روز نواں چن چڑھدا ہا، ہسپتال اچ آکسیجن نہ ہئی تاں 100 ٻال موئے ہن بھل اے منہ ݙیہدے رہے، ماݙل ٹائون کیکوں بھلیے؟ انہاں آکھیا جو اڄ عمران خان دی اڳواݨی اچ سیاحت دے شعبے اچ انقالاب آیا ہوئے، اندرون ملک سیاحت دا وناںد ور شروع تھیندا پئے، سیاحت دے ودھارے اتے لوکاں دے سوکھ کیتے نواں سیاحتی سٹرکچر ٻݨاوݨ دی لوڑھ اے بھل اپوزیشن آندے ست سال وی ایویں ہی روندی راہسی۔
