اسلام آباد۔4جنوری(اے پی پی)اسپیکر قومی اسمبلی راجہ پرویز اشرف اتے قائم مقام اسپیکر زاہد اکرم درانی آکھیے جو حق خودارادیت ہر ڄݨےدا پہلا حق اے، عالمی برادری بھارتی مقبوضہ جموں وکشمیر دے عوام دے حق خود ارادیت سانڳے اڳو تے آوے۔ کشمیریاں دے یوم حق خود ارادیت سانڳے اپݨے سنیہاں اچ سپیکر اتے ڈپٹی سپیکر قومی اسمبلی آکھیے جو پاکستان کشمیری عوام دے حق خود ارادیت دی پرامن تحریک کوں خراج تحسین پیش کریندے اتے ہر سطح تے کشمیریاں دے نال اے، انہاں آکھیا جو 5 جنوری عالمی برادری کوں کشمیر بارے اپݨے وعدے یاد ݙیواݨ دا ݙینھ اے، 5 جنوری 1949 کوں اقوام متحدہ دے کمیشن برائے بھارت و پاکستان ( یو این سی آئی پی) قرارداد منظور کیتی ہئی جو جموں وکشمیر دے عوام کوں اپنا حق خودارادیت استعمال کرݨ کیتے آزادانہ و منصفانہ استصواب رائے دی ضمانت ݙیندی اے۔ سپیکر آکھیا جو اقوام متحدہ کوں 73 سال پہلے کیتے ڳئے اپݨے وعدے کوں نٻھاوݨ کیتے کردار ادا کرݨا چاہیدے۔
