اسلام آباد۔8جولائی (اے پی پی):وزیراعظم دے مشیر برائے امور کشمیر قمر زمان کائرہ اپوزیشن پارٹی تے تنقید کریندے ہوئیں آکھیے پی ٹی آئی کوئی فیدہ گھنݨ توں پہلے ’’خود ہی مر ڳئی‘‘ اتے ایندی قیادت احتساب توں بھڄدی پئی اے ، ہک نجی نیوز چینل تے ڳالھ کریندے ہوئیں انہاں آکھیے عمران خان اقتدار دی خاطر نفرت کھنڈا تے نہ صرف ملک بلکہ قومی اداریں کوں وی ضیان پڄائے ، انہاں آکھیے عمران خان گزریل چار سالہ حکومت اچ آپݨے مخالفین کوں نشانہ بݨاوݨ کیتے نیب سودھے ریاستی اداریں کوں استعمال کیتے ھک سوال دے جواب اچ انہاں آکھیے بلاول بھٹو زرداری جݙاں توں وزارت خارجہ دا قلمدان سنبھالیے، او بین الاقوامی محاذ تے کافی متحرک ہن ، سارے ملکاں نال پاکستان دے تعلقات کوں ودھیندے پئن ، انہاں مزید آکھیے جو گزریل ھک سال توں پاکستان دی خارجہ پالیسی کافی فعال اے۔
