اسلام آباد۔18جون(اے پی پی) وزیر اعظم محمد شہباز شریف آکھیے پاکستان دے خصوصی کھلاڑیاں کیتے میݙی نیک خواہشات ہن جیڑھے جو سپیشل اولمپکس ورلڈ گیمز 2023 اچ حصہ گھنݨ کیتے جرمنی اچ ہن ۔اتوار کوں آپݨے ٹویٹ اچ انہاں آکھیے مرد تے تریمت کھلاڑیاں تے مشتمل 87 رکنی دستہ پاکستان دی عالمی ایونٹ اچ بھرپور نمائندگی اے۔انہاں آکھیے ہݨ ویلھا آڳئے جو 11 گیمز دی تیاری دے دوران انہاں دی محنت دا پھل حاصل کیتا ونڄے ۔میکوں یقین اے جو ساݙے خصوصی کھلاڑی اپݨی صلاحیتاں اتے عزم دے ذریعے مادر وطن دا نام روشن کرݨ کیتے ایں وݙے موقع کوں استعمال کریسن ۔ پوری قوم دیاں دعاواں انہاں دے نال ہن ۔
