ابوظهبي- 10 جنوري (اي پي پي) گڏيل عرب امارات ابوظهبي ۾ ٽرانسپورٽ ۽ بلدياتي ڪائونسل کاتي جي ماتحت ٽرانسپورٽ سينٽر خلاف ورزين جو ڏنڊ قسطن ۾ ادا ڪرڻ جي سهولت فراهم ڪري ڇڏي آهي . ٽرانسپورٽ سينٽر بيان ۾ چيو آهي ته نئين سهولت جو نالو الدفع الميسر (ادائيگي ۾ آساني ) رکيو ويو آهي . ان تحت ابوظهبي الاول بينڪ ، ابوظهبي ڪمرشل بينڪ ۽ الامارت الاسلامي بينڪ سان معاهدو ڪيو آهي . انهن بينڪن جا ڪريڊٽ ڪارڊز هولڊرز نئين سهولت مان فائدو کڻي سگهندا . هلندڙ سال جي پهرين 6 مهينن دوران ٻين بينڪن سان به ان سهولت جي فراهمي جي ڪوشش ڪئي پئي وڃي.
