اسلام آباد – 28 آڪٽوبر (اي پي پي) ڪابينا جي اقتصادي رابطا ڪميٽي ڪورونا وائرس جي عرصي ۾ افغان ٽرانزٽ ٽريڊ ۽ افغانستان جي لاءِ درآمدي مال تي ڊيمرج جي خاتمي جو معاملو خوش اسلوبي سان حل ڪرڻ جي هدايت ڪئي آهي، اجلاس ۾ سامونڊي علائقن جي سروي جي لاءِ دفاع واري وزارت جي لاءِ 10 ڪروڙ 94 لک 70 هزار رپين جي فني ضمني گرانٽ جي منظوري پڻ ڏنيوئي، اجلاس ۾ ٽيلي ڪام سيڪٽر کي ڪجهه ٽيڪسن ۾ ڇوٽ ذريعي سهولت جو جائزو وٺڻ جي لاءِ ذيلي ڪميٽي قائم ڪئي وئي. اقتصادي رابطا ڪميٽي جو اجلاس وزيراعظم جي ناڻي ۽ اوڳاڙين واري صلاحڪار ڊاڪٽر عبدالحفيظ شيخ جي صدارت ۾ ٿيو.
