وفاقي ڪابينا پاران مُلڪ ۾ مستقل رهائش جي بنياد تي آدمشماري ڪرائڻ جي منظوري، آدمشماري ۾ پهريون ڀيرو جديد ٽيڪنالاجي جو استعمال ڪيو ويندو، نادرا کان مدد ورتي ويندي، آدمشماري کانپوءِ اليڪشن ڪميشن کي نئين تڪ بندين جي لاءِ وقت ڏنو ويندو: چوڌري فواد حسين

اسلام آباد – 05 – آڪٽوبر (اي پي پي) وفاقي ڪابينا مُلڪ ۾ مستقل رهائش جي بنياد تي آدمشماري ڪرائڻ جي منظوري ڏيئي ڇڏي آهي، آدمشماري ۾ پهريون ڀيرو جديد ٽيڪنالاجي جو استعمال ڪيو ويندو، نادرا کان مدد ورتي ويندي، آدمشماري کانپوءِ اليڪشن ڪميشن کي نئين تڪ بندين جي لاءِ وقت ڏنو ويندو، جڏهن ته اطلاعات ۽ نشريات واري وفاقي وزير چوڌري فواد حسين چيو آهي ته آدمشماري جي لاءِ پوري دنيا ۾ مستقل رهائش جي طريقيڪار کي استعمال ڪيو وڃي ٿو، ڪابينا سمورن نقطا ٻڌي فيصلو ڪيو آهي ته مُلڪ ۾ آدمشماري مستقل رهائش جي طريقيڪار تحت ڪرائي ويندي. مخالف ڌر جلسن ۾ روڄ راڙي بدران پارليامينٽ ۾ پنهنجو ڪردار ادا ڪري، شهباز شريف پاڻ نيب جو جوابدار آهي، ان کان پڇي نيب چيئرمين لڳائڻ ائين ئي آهي جيئن چور کان پڇيو وڃي ته ان جو جاچ ڪندڙ ڪير هوندو، نيب چيئرمين جي مقرري جي لاءِ شهباز شريف سان مشاورت نه ڪنداسين، بهتر ٿيندو ته مخالف ڌر پنهنجو ليڊ آف اپوزيشن تبديل ڪري، نيب چيئرمين بابت آرڊينس سڀاڻي ايندو، پينڊورا پيپرز جي حوالي سان وزيراعظم معائنه ڪميشن تحت قائم ڪيل سيل آف شور ڪمپنين جي قانوني حيثيت جو جائزو وٺڻ کانپوءِ قدم کڻندو، ستين آدمشماري آئين ۽ قانون موجب ڪرائي ويندي، ان ۾ جديد ٽيڪنالاجي جو استعمال ڪيو ويندو، 3 کان 13 ربيع الاول تائين رحمتن العالمين جو ڏهاڙو ملهايو ويندو، سرديءَ جي موسم ۾ گئس جي کوت جي ڏس ۾ صارفين کي بجلي جي وڌيڪ استعمال تي ريليف ڏيڻ جو فيصلو ڪيو ويو آهي، ڪمند، مڪئي ۽ ڪڻڪ جون فصلون هن سال به بمبر ڪراپ تي بيٺل آهن. اهڙن خيالن جو اظهار هن وفاقي ڪابينا جي اجلاس کانپوءِ صحافين کي بريفنگ ڏيندي ڪيو. اطلاعات واري وفاقي وزير چوڌري فواد حسين چيو ته وفاقي ڪابينا نئين آدمشماري ڪرائڻ جي منظوري ڏني آهي، اها آدمشماري مستقل رهائش جي بنيادن تي ٿيندي. هن چيو ته 2018ع جي چونڊون پرويزنل آدمشماري تي ٿيون هيون، ان کانپوءِ ڪابينا جي مختلف اجلاسن ۾ اهو معاملو بحث هيٺ آيو، ان جو طريقيڪار طئي ڪرڻ تي ڳالهه ٿي. هن ٻڌايو ته آدمشماري جي لاءِ پوري دنيا ۾ مستقل رهائش جي طريقيڪار کي استعمال ڪيو وڃي ٿو، ڪابينا سمورن نقطا ٻڌي فيصلو ڪيو آهي ته پاڪستان ۾ آدمشماري مستقل رهائش جي طريقيڪار تحت ڪرائي ويندي. هن چيو ته آدمشماري ۾ پهريون ڀيرو جديد ٽيڪنالاجي جو استعمال ڪيو ويندو، نادرا کان مدد ورتي ويندي، آدمشماري کانپوءِ اليڪشن ڪميشن کي نئين تڪ بندين جي لاءِ وقت ڏنو ويندو. اطلاعات واري وفاقي وزير ٻڌايو ته سائين وانگر هن سال به عيد ميلادالنبي عقيدت ۽ احترام سان ملهايو ويندو، 3 ربيع الاول کان 13 ربيع الاول تائين رحمتن العالمين جو ڏهاڪو ملهايو ويندو، ان پوري ڏهاڪي دوران مختلف اڪابرين پنهنجي خيالن جو اظهار ڪندا، محفل سماع منعقد ڪيون وينديون. هن وڌيڪ چيو ته عيد ميلادالنبي جي موقعي تي مختلف ڪيٽيگيريز جي قيدين جي سزائن ۾ معافي ڏني ويندي. اطلاعات واري وفاقي وزير چيو ته وفاقي ڪابينا جي اجلاس ۾ حسب معمول اليڪٽرانڪ ووٽنگ مشين تي بحث ٿيو، ڪابينا کي ڊاڪٽر بابر اعواڻ بريفنگ ڏيندي ٻڌايو ته چونڊ سڌارن تي مخالف ڌر سان ڳالهه ڪرڻ جي ڪوشش ڪئي وئي پر اڃا تائين مخالف ڌر پاران ڪو جواب ناهي آيو. اطلاعات واري وفاقي وزير چيو ته اسان چونڊ سڌارن جي لاءِ جوائنٽ سيشن طرف اڳتي وڌنداسين، مخالف ڌر سان ڳالهين جو عمل به جاري رهندو ته جيئن وقت زيان نه ٿئي ۽ اسان هڪ موثر ڳالهه ٻولهه طرف وڌي سگهون. هن چيو ته اسان جو مقصد چونڊن کي شفاف بڻائڻ آهي، مخالف ڌر سڌارن جو گوڙ به ڪري رهي آهي ۽ ان طرف اڳتي به نه وڌي رهي آهي، مخالف ڌر جو اهو رويو سمجهه کان مٿي آهي. جيڪڏهن انهن کي اسان جا سڌارا پسند نه آهن ته اهي پنهنجا سڌارا ڏين، اهي به نه پيا ڏنا وڃن. هن چيو ته انهن معاملن ۾ تبديلي جي ضرورت آهي، مخالف ڌر جلسن ۾ روڄ راڙي بدران پنهنجو سنجيده ڪردار ادا ڪري، مخالف ڌر کي سنجيدگي سان ڳالهين طرف وڌڻ گهرجي. چوڌري فواد حسين ٻڌايو ته وفاقي ڪابينا جي اجلاس ۾ پينڊورا پيپرز جي معاملي تي بريفنگ ڏني وئي. ان معاملي تي شروعاتي طور تي وزيراعظم انسپيڪشن ڪميشن تحت هڪ سيل قائم ڪيو ويو آهي، پينڊورا پيپرز ۾ 700 کان وڌيڪ پاڪستانين جا نالا شامل آهن، انهن جي ڪيٽيگريز ٺاهيون ويون آهن. پهري ڪيٽيگري ۾ انهن ماڻهن جا نالا آهن جن پنهنجي آف شور ڪمپنيون ظاهر ڪيون آهن. انهن کانپوءِ ٻي ڪيٽيگري ۾ انهن ماڻهن جا نالا آهن جن آف شور ڪمپنيون ته ٺاهيون پر انهن کي ظاهر نه ڪيو جڏهن ته ٽئين ڪيٽيگري ۾ اهي ماڻهو آهن جن آف شور ڪمپنيون ٺاهي مني لانڊرنگ ڪئي جيڪو ايف آءِ اي جو ڪيس آهي. اهڙي طرح اهڙا ماڻهو به شامل آهن جن آف شور ڪمپنين کي سري کان ظاهر ئي ناهي ڪيو. وزيراعظم انسپيڪشن ڪميشن تحت قائم سيل انهن سمورين آف شور ڪمپنين تي ڪم ڪندو جڏهن ته ٻيا سمورا ادارا ايف بي ار، ايف آءِ اي ۽ نيب به پنهنجو پنهنجو ڪم ڪندا. اطلاعات واري وفاقي وزير چيو ته نيشنل هيلٿ سروسز واري خاص معاون ڊاڪٽر فيصل سلطان ڪابينا کي ميڊيڪل ڪاليجن ۾ داخلا ٽيسٽ جي حوالي سان تفصيلي بريفنگ ڏني. اجلاس کي ٻڌايو ويو ته داخلا ٽيسٽ ماهر ڊاڪٽر ۽ ڊينٽسٽ پيدا ڪري ٿي، ميڊيڪل تعليم جو اعليٰ معيار ان لاءِ ضروري آهي ته ڊاڪٽرز کي انساني جان بچائڻي هوندي آهي، هر شاگرد جو امتحان ٻئي کان مختلف هوندو آهي ته جيئن ڪاپي جو امڪان ختم ٿئي. هر سال اٽڪل 2 لک شاگرد ميڊيڪل داخلا ٽيسٽ ۾ حصو وٺندا آهن. هن چيو ته ڊاڪٽر هڪ اهڙو پيشو آهي جنهن ۾ ڪو رستڪ نه ٿو کڻي سگهجي، پاڪستان ۾ ڪو شخص ائين نه چاهيندو ته ان جو ڊاڪٽر هڪ اهڙو شخص هجي جنهن کي پنهنجي پيشي بابت معلومات ئي نه هجي. ڊاڪٽري جي ڊگري جا معيار اعليٰ هجڻ گهرجن. هن چيو ته پي ايم ڊي سي 1960ع جي ڏهاڪي ۾ ٺهي، ان وقت پاڪستان ۾ ميڊيڪل ڪاليجن جو انگ گهٽ هو، پي ايم ڊي سي جي اسٽرڪچر ۾ هر ميڊيڪل ڪاليج جو هڪ نمائندو موجود هو پر وقت گذرڻ سان گڏوگڏ جڏهن ميڊيڪل ڪاليجن جو انگ وڌندو ويو ته پي ايم ڊي سي جي لاءِ ممڪن نه رهيو ته اهو هر ڪاليج مان هڪ نمائندي کي شامل ڪري تنهن ڪري پي ايم ڊي سي ڪميٽيون ٺاهڻ شروع ڪري ڇڏيون. انهن ڪميٽين ۾ پرائيويٽ ڪاليج جي ماڻهن ريگيوليٽر کي ئي ڪيپچر ڪري ورتو جنهن جي ڪري اسان وٽ ميڊيڪل جي تعليم بري طرح متاثر ٿي. اڳ ۾ پاڪستان جي ڊاڪٽرز کي پوري دنيا ۾ عزت ۽ احترام سان سڃاتو ويندو هو پر هاڻي صورتحال اها آهي ته ڪجهه ملڪن اسان جون ڊگريون مڃڻ کان انڪار ڪري ڇڏيو آهي، ان سلسلي کي فوري سنڀالڻ جي ضرورت آهي. ايم ڊي ڪيٽ جو نئون فارمولو پوري دنيا ۾ هلي رهيو آهي، آمريڪا، برطانيا سميت ٻين ملڪن ۾ ٽاپ برينز گڏ ٿي هڪ ٽيسٽ ڏين ٿا، ان ٽيسٽ ۾ نمايان پوزيشن حاصل ڪندڙ ميڊيڪل جو امتحان ڏيڻ جي اهل ٿي وڃن ٿا. اهو امتحان سئو سيڪڙو ٽيبليٽس تي ٿي رهيو آهي، ان ۾ ڪو پيپر شامل نه آهي جيئن ته اسان وٽ ايترا ٽيبليٽس ۽ انفراسٽرڪچر نه آهي ته هڪ ڏينهن ۾ امتحان ورتو وڃي، اهو 30 ڏينهن تي ٻڌل آهي. هڪ پيپر جو اڳ ۾ اچي ٿو اهو ٻيو ڀيرو نه ٿو اچي، شفلر سافٽ ويئر جي ذريعي ڪنهن به شخص کي خبر ناهي هوندي ته ڪهڙي جڳهه تي ڪهڙو پيپر ايندو. به لک ٻار ان امتحان ۾ ويٺا، مجموعي سيٽون 20 هزار آهن، انهن مان 50 هزار ٻار پاس ٿيندا ۽ انهن مان به داخلا رڳو 20 هزار ٻارن کي ملڻي آهي. ان مان اندازو لڳائي سگهجي ٿو ته اسان وٽ مقابلو ڪيترو وڌي ويو آهي، ان سان ڊاڪٽري جا اسٽينڊرز ڪيترا وڌي ويندا. هن چيو ته وڪيلن وانگر ايم بي بي ايس جي ڊگري وٺندڙن جي لاءِ به هڪ ٽيسٽ هوندي ته اهي ڊاڪٽري جي لاءِ فٽ آهن يا نه. هن چيو ته ان ڏس ۾ ورتو ويندڙ امتحان ايترو سخت نه آهي، گذريل سال 85 سيڪڙو ڊاڪٽرن اهو امتحان پاس ڪيو، پوري دنيا ۾ اهو امتحان ورتو پيو وڃي. ان بابت احتجاج نامناسب آهي ته ڊاڪٽر جي فٽنس به چيڪ نه ٿئي ۽ هو ڊاڪٽر به بڻجي وڃي. هن چيو ته اسان صحت جي نظام ۾ ڪو رسڪ نه ٿا کڻي سگهون، ڊاڪٽر فيصل تجربيڪار ماڻهو آهي، پاڪستان جي اندر ميڊيڪل ايجوڪيشن جا معيار سئو سيڪڙو عالمي معيارن موجب آهن، اسان ڪڏهن نه چاهينداسين ته اسان جا ڊاڪٽرز عالمي معيارن کان گهٽ هجن. اطلاعات واري وفاقي وزير ٻڌايو ته ڪابينا ايس اي سي پي ريگيوليشنز موجب ميٽ لائف ايليڪو ڪمپني کي پنهنجي وڪري سان حاصل ڪيل سرمايو ٻاهر منتقل ڪرڻ جي اجازت ڏني آهي. ڪابينا ڊرگ (ريسرچ) رولز 1978ع تحت ڊرگ ريسرچ بابت ڪميٽي ۾ ماهر مقرر ڪرڻ جي منظوري ڏني آهي. اهي ماهر پنجاب، سنڌ، خيبرپختونخواهه ۽ بلوچستان مان مقرر ڪيا ويندا. اهي ماهر پاڪستان ۾ دوائن تي ٿيندڙ تحقيق ۾ معاونت فراهم ڪندا. هن ٻڌايو ته ڪابينا ڊرگ ريگيوليٽري اٿارٽي جي سفارشن جي روشني ۾ اهم ۽ زندگي بچائيندڙ دوائن جي تشهير ڪرڻ جي اجازت ڏني آهي. اطلاعات واري وفاقي وزير چيو ته گهريلو صارفين جي لاءِ سرديءَ جي موسم ۾ ريليف فراهم ڪرڻ جي لاءِ ڪابينا گئس جي اگهن ۾ نظرثاني جي لاءِ ڪابينا جي توانائي بابت ڪميٽي جي سفارشن تي نظرثاني ڪميٽي قائم ڪرڻ جي منظوري ڏني آهي. انهن صارفين جي لاءِ اها سهولت به موجود هوندي ته جيڪڏهن انهن گذريل سال جي ڀيٽ ۾ يونٽس هن سرديءَ جي موسم ۾ وڌيڪ استمال ڪيا ته انهن کي اضافي يونٽس گهٽ قيمت تي چارج ٿيندا. هن ٻڌايو ته سردين ۾ اسان وٽ گئس گهٽ ۽ بجلي اضافي هوندي اهي، ان لاءِ فيصلو ڪيو ويو آهي ته جيڪڏهن اهي سمورا صارفين جيڪي بجلي تي شفٽ ٿيندا ۽ گئس، گيزر ۽ گئس جا هيٽر بند ڪندا، انهن کي بجلي جي في يونٽ ۾ 7 رپين تائين في يونٽ ريليف ڏنو ويندو. وفاقي وزير چيو ته سردين ۾ اسان وٽ بجلي جو استعمال گهٽ ٿئي ٿو، گئس جي کوٽ ٿئي ٿي، هن وقت گئس جو عالمي بحران هلي رهيو آهي، ان کي نظر ۾ رکي فيصلو ڪيو ويو آهي ته گئس جي استعمال ۾ گهٽتائي ۽ بجلي جي استعمال ۾ اضافو ٿئي. هڪ فارمولي تحت 7 رپين جو ريليف فراهم ڪيو ويندو. هن چيو ته ڪابينا اقتصادي رابطا ڪميٽي جي 30 سيپٽمبر 2021ع جي اجلاس ۾ ڪيل فيصلن جي پڻ توثيق ڪئي آهي. هن چيو ته پاڪستان ۾ ڪڻڪ، ڪمند، چانور، ۽ مڪئي جي بمپر پيداوار جي اميد آهي. هن ٻڌايو ته ڪابينا سمورين وزارتن کي اي پروڪيورمنٽ سسٽم استعمال ڪرڻ جي تاڪيد ڪئي آهي ته جيئن سمورا ٽينڊر مڪمل طور تي شفاف طريقي سان جاري ٿين ۽ خريداري جي عمل مان ڪرپشن جو خاتمو ٿئي. هن چيو ته هن وقت ڪنٽريڪٽس جي نظام ۾ ڏٺو ويو آهي ته گذريل حڪومتن پنهنجي ماڻهن کي اربين رپين جي ٺيڪن سان نوازيو. وزيراعظم ان بابت هڪ ڪميٽي جوڙي آهي جنهن ۾ آئون پاڻ، حماد اظهر ۽ مراد سعيد شامل آهن. ٽي رڪني ڪميٽي پاور ۽ ڪنسٽرڪشن جي ٺيڪن جو جائزو وٺي پنهنجي رپورٽ ڪابينا ۾ پيش ڪندي. نيب چيئرمين جي مقرري جي حوالي سان سوال جي جواب ۾ اطلاعات واري وفاقي وزير چيو ته نيب چيئرمين بابت آرڊيننس ڪابينا ۾ بحث هيٺ ناهي آيو، مخالف ڌر کي پنهنجو ليڊر آف اپوزيشن تبديل ڪرڻ گهرجي ته جيئن اسان نيب چيئرمين جي مقرري تي مشاورت ڪري سگهون. مخالف ڌر ان ڏس ۾ ڪو قدم ناهي کنيو. وزيراعظم واضح طور تي چئي چڪو آهي ته شهباز شريف نيب جو جوابدار اهي، شهباز شريف کان پڇي اڳيون چيئرمين لڳائڻ ائين ئي هوندو ته اسان چور کان پڇون ته توهان ٻڌايو توهان جاچ ڪندڙ ڪير هوندو. هن چيو ته اسان جو واضح موقف آهي ته اسان شهباز شريف سان نيب چيئرمين جي مقرري جي لاءِ مشاورت نه ڪنداسين. هن چيو ته ان ڏس ۾ آرڊيننس سڀاڻي ايندو. جيڪڏهن ليڊر آف اپوزيشن ۽ ليڊر آف هائوس مان ڪو شخص نيب جي ڪيس ۾ ملوث آهي ته پوءِ مشاورت جو طريقيڪار ڪهڙو هجڻ گهرجي، ان بابت اسان آرڊيننس آڻينداسين جنهن سان مشاورت ۾ پيدا ٿيندڙ خال کي منهن ڏئي سگهجي. هن چيو ته ان کان بهتر اهو هو ته مخالف ڌر پنهنجو ليڊر آف اپوزيشن تبديل ڪري پر ان وٽ ڪو اهڙو ماآڻهو موجود نه آهي جنهن تي ڪرپشن ۽ مني لانڊرنگ جهڙا الزام نه هجن. بجلي ۽ گئس جي اگهن جي حوالي سان هنچ يو ته گئس جي صورتحال هن وقت بلڪل ٺيڪ آهي، مسئلو ان جي قيمت آهي. هن وقت گئس جي قيمتن ۾ عالمي منڊي ۾ تمام گهڻو اضافو ٿي چڪو آهي، اسان جو واپاري خسارو وڌي رهيو آهي، تيل ۽ گئس جي قيمتن م عالمي منڊي ۾ تمام گهڻو اضافو ٿيو آهي. اسان چاهيون ٿا ته ماڻهو سردين ۾ بجلي وڌيڪ ۽ گئس گهٽ استعمال ڪن، بجلي اسان وٽ وڌيڪ آهي، نيپرا کي اهو معاملو موڪليو ويو آهي، اهو فارمولو رڳو سردين جي لاءِ هوندو. هڪ ٻئي سوال جي جواب ۾ هن چيو ته ايل پي جي ٻاهرئين ملڪ مان درآمد ڪئي وڃي ٿي، ان جي قيمتن ۾ به تمام گهڻو اضافو ٿيو آهي، عالمي منڊين جا ريٽس وزيراعظم کي پيش ته ڪيا وڃن ٿا پر ان جو ريٽ ڪو به شخص انٽرنيٽ تي چيڪ ڪري سگهي ٿو. اهڙي طرح ٻين شين جون قيمتون به هر شخص چيڪ ڪري سگهي ٿو. جيڪڏهن عالمي منڊي ۾ پام آئل جي قيمت 518 ڊالر کان وڌي 1200 ڊالر تي هلي وڃي ته ان جا اثر هتي به پوندا. عالمي منڊين ۾ قيمتن جو تقابلي جائزو ٺوس گراف جي صورت ۾ جاري ڪرڻ گهرجي، آئون ان سان اتفاق ڪريان ٿو. وزيراعظم به چيو آهي ته انٽرنيشنل مارڪيٽ ۾ قيمتن جو تقابلي جائزو ٺهڻ گهرجي ته جيئن عوام کي چئي ريت معلومات ملي سگهي. هن چيو ته هن وقت اسان داليون ٻاهرئين ملڪ مان گهرائي رهيا آهيون، اسان جا بمپر فصل ٿين ٿيا ته اسان جي آبادي به هر سال وڌي رهي آهي، اسان جي روانگي واپار ۽ لارج اسڪيل مينوفيڪچرنگ ۾ جهڙي طريقي سان اضافو ٿي رهيو آهي، ان سان مهانگائي جا اثر به گهٽ ٿيندا. ڪجهه عارضي شين جي ڪري ڊالر جو ريٽ وڌي رهيو آهي، اسان هن سال ويڪسين به درآمد ڪئي آهي، جڏهن خرچ گهٽ ٿيندا ته ڊالر تي پريشر به ختم ٿي ويندو. هڪ سوال تي هن چيو ته پينڊورا ليڪس ۾ 700 کان وڌيڪ نالا آهن، سياستدانن جون تصويرون ته بار بار ٽي وي تي ڏيکاريون پيون وڃن پر جن ميڊيا مالڪن جون آف شور ڪمپنيون آهن، انهن جون تصويرون ميڊيا تي نه اچي رهيون آهن، اها هڪ سليڪٽو ڪمپني آهي، جيڪا غيرمناسب آهي. وزيراعظم انسپيڪشن ڪميشن جڏهن ڪنهن آف شور ڪمپني جي معاملي تائين پهچندي ته اها غيرقانوني آهي ته ان موجب ان تي اڳتي وڌي ويندو. هڪ سوال جي جواب ۾ هن چيو ته قانون شخصيتن جي لاءِ نه، ادارن جي لاءِ ٺهڻ گهرجن، ڊگهي مدي وارا قانون هجڻ گهرجن، قطعي طور تي ڪنهن شخص کي سامهون رکي ڪا قانونسازي نه ٿيندي. وزيراعظم جي ڪمٽمينٽ به اها آهي، احتساب جي لاءِ اسان جي ڪمٽمينٽ جي پهرين شرط اها آهي ته ان جي آزادي تي ڪا آڱر نه کڄڻ گهرجي. موجوده نيب چيئرمين جي مقرري پي ايم ايل اين ۽ پيپلزپارٽي ڪئي هئي، ان جا ڪيسز اڳ کان ٺهيل آهن، اسان ڪا نوان ڪيسز ناهن ٺاهيا، نه ئي اسان جاچ تي اثرانداز ٿيا آهيون، اسان جو جوڊيشري ۽ نيب کان هڪ ئي مطالبو آهي ته ڪيس روزاني جي بنياد تي هلڻ گهرجن. هڪ سوال جي جواب ۾ هن چيو ته ڊگهي عرصي کان ڊاڪٽرز جي احتجاج کي عوامي پذيرائي نه ملي رهي آهي، اهي تيزي سان ڪجهه ماڻهن جي ڪري پنهنجي ساک وڃائي رهيا آهن، اهڙي طرح جا واقعا نه ٿيڻ گهرجن. گڏجي ويهي ڳالهه ٻولهه ڪري وٺن. اطلاعات واري وفاقي وزير هڪ سوال تي چيو ته هيلٿ ڊپارٽمينٽ پنجاب 40 هزار نوڪريون فراهم ڪيون آهن، پي ٽي آءِ جي ٽن سالن دوران هڪ ڪروڙ کان وڌيڪ نوڪريون فراهم ڪيون ويون آهن، ساڍا 16 لک ماڻهو رڳو ٻاهرئين ملڪ ويا آهن.