اسلام آباد – 24 آڪٽوبر (اي پي پي) گهرو معاملن واري وفاقي وزير راڻا ثناءُ الله سيئر صحافي ارشد شريف جي وفات تي ڏک جو اظهار ڪندي چيو آهي ته ڪينيا ۾ ارشد شريف کي پيش آيل واقعو افسوسناڪ آهي، گهرو وزير راڻا ثناءُ الله پنهنجي بيان ۾ چيو ته واقعي بابت اصلي حقيقتون ڄاڻڻ لاءِ ڪينيا جي حڪومت سان رابطي ۾ آهيون. نيروبي ۾ موجود پاڪستاني سفارتخانو ارشد شريف جي معاملي ۾ مڪمل سهڪار ڪري رهيو آهي. اسان ڏکويل خاندان سان ڏک ۾ برابر جا شريڪ آهيون.
