ڈیرہ اسماعیل خان۔25جولائی(اے پی پی) پاکستان ڈیمو کریٹک موومنٹ (پی ڈی ایم) دے سربراہ مولانا فضل الرحمن آکھیے اساں ملکی ترقی دا پھیتہ جام کرݨ آلیں دا بھرپور مقابلہ کیتے تے انہاں کوں اقتدار توں انڄ کیتے ، وزیراعظم شہباز شریف پسماندہ علاقیں دی ترقی کیتے بھرپور اقدامات کریندے پیوں ، گزریل حکومت سی پیک روک تے ٻاہرلے ایجنڈے کوں پورا کرݨ دی کوشش کیتی ، ڈیرہ اسماعیل خان توں ژوب تئیں سی پیک روڈ دا آغاز وختی تھیسی ، اے ڳالھ انہاں منڳل کوں 8 وݙے ترقیاتی منصوبیں دا افتتاح و سنگ بنیاد رکھݨ دی تقریب توں خطاب کریندے ہوئیں آکھی اے ، انہاں آکھیے وزیراعظم شہباز شریف دے ترقیاتی کماں کیتےعملی اقدامات کوں قدر دی نگاہ نال ݙیکھدوں ، وزیراعظم پسماندہ علاقیں دی ترقی کیتے بھرپور اقدامات کیتن ۔ سابق وزیراعظم نواز شریف دے دور حکومت اچ ڈیرہ اسماعیل خان اچ ٻہوں سارے ترقیاتی منصوبے شروع کیتے ڳئن ، عمران خان دے دور حکومت اچ ڈیرہ اسماعیل خان اچ کوئی میگا پراجیکٹ شروع نی کیتا ڳیا ، موجودہ دور حکومت اچ علاقے کیتے کئی منصوبیں تے کم شروع کیتا ڳئے ۔
