اسلام آباد۔17فروری(اے پی پی)تحریک انصاف چیف الیکشن کمشنر کولو مستعفی تھیوݨ اتے اپݨیاں چوری تھیاں سیٹاں فوری ولا ݙیوݨ دا مطالبہ کر ݙتے۔ کمشنر راولپنڈی دے انتخابات اچ دھاندلی دے اعترافی بیان تے تحریک انصاف ردعمل ݙیندے آکھیے جو کمشنر راولپنڈی لیاقت علی چٹھہ دا انتخابات اچ دھاندلی دا اعتراف پاکستان تحریک انصاف دے الیکشن چوری تھیوݨ دی تائید اے۔ ترجمان تحریک انصاف آکھیے جو کمشنر راولپنڈی 70 ہزار ووٹاں دی وتھی آلے آزاد امیدواراں دی جیت کوں جعلی مہراں لا تے ہراوݨ دا منیے اتے رات کوں عوام دا مینڈیٹ چوری کرݨ دی گھناؤنی سازش اچ ملوث کرداراں کوں بے نقاب کیتے، واضح تھی چکیے جو الیکشن اچ عوام تحریک انصاف دے حمایت یافتہ آزاد امیدواراں کوں بھاری اکثریت نال جتوائے جنہاں کوں راتی رات ہر ݙتا ڳئے، کمشنر راولپنڈی دے اعتراف توں بعد چیف الیکشن کمشنر کولو عہدے تے راہݨ دا کوئی جواز کائنی جیندے بعد فوری طور تے فارم 45 دے مطابق ووٹاں دی ولا ڳݨتری کرتے تحریک انصاف دیاں چوری تھیاں 86 سیتاں ولا ݙتیاں ونڄن، عوامی مینڈیت تے ڈاکہ مارݨ آلے مذموم منصوبے اچ ملوث سارے افسران کوں فوری عہدیاں توں مستعفی تھیوݨا ہوسی، ملوث مجرماں دے خلاف آئین و قانون دے مطابق کارروائی کرتے سخت سزا ݙتی ونڄے۔
