اسلام آباد – 23 – آگسٽ (اي پي پي) صدر ڊاڪٽر عارف علوي 14 آگسٽ تي هرنائي بلوچستان ۾ شهيد ٿيندڙ پاڪستان آرمي جي جوانن جي وارثن سان ٽيليفون تي تعزيت جو اظهار ڪيو. ايوان صدر پاران جاري بيان موجب صدر نائيڪ محمد عاطف ۽ سپاهي قيوم جاويد جي پونئيرن سان ڳالهه ٻولهه ڪئي. صدر فرض سرانجام ڏيڻ دوران جان قربان ڪرڻ تي شهيدن کي خراج عقيدت پيش ڪيو. صدر شهيدن جي درجن جي بلندي ۽ گهرڀاتين جي لاءِ صبر جميل جي دعا ڪئي.
