اسلام آباد – 07 – سيپٽمبر (اي پي پي) وزيراعظم شهباز شريف چيو آهي ته قوم سيپٽمبر 1965ع جي جنگ جي شهيدن ۽ غازين کي خراج عقيدت پيش ڪري ٿي، پاڪ فضائيه جي شهيدن جي عظيم قربانين سان پاڻ کان چنئوڻ تي وڏي دشمن جي ناپاڪ ارادن کي خاڪ ۾ ملائي ڇڏيو. پنهنجي ٽوئيٽ ۾ هن چيو ته اڄ 7 سيپٽمبر جي ڏينهن پوري قوم فضائيه ڏهاڙو ملهائي رهي آهي. پاڪستان جي آزاد فضائن جي محافظن سدائين وقت اچڻ تي دشمن کي اها ڳالهه مڃرائي ته ملڪ طرف ميري اک سان ڏسندڙن کي سدائين منهن جي کائڻي پوندي. سيپٽمبر 1965ع جي جنگ جي شهيدن ۽ غازين کي مون سميت پوري قوم خراج تحسين پيش ڪري ٿي. وزيراعظم چيو ته سمورن پاڪستاني اسڪوارڊرن ليڊر سرفراز رفيق، اسڪوارڊرن ليڊر منير الدين ۽ فلائيٽ ليفٽيننٽ يونس حسين سميت پاڪ فضائيه جي سمورن شهيدن جا شڪرگذار آهيون جن جي عظيم قربانين پاڻ کان چنئوڻ کان وڌيڪ وڏي دشمن جي ناپاڪ ارادن کي خاڪ ۾ ملائي ڇڏيو.
