اسلام آباد ۔ 17 دسمبر (اے پی پی) د خېبر پختونخوا په 17 ضلعو او د وفاق د انتظام لاندې قبائلي سيمو كښې د پوليو مخنيو درې ورځنې مهم نن پېل كېږي۔ د روغتيا صوبائي څانګې ترمخه په كومو ضلعو كښې چې د پوليو مهم پېل كېږي هغو كښې کوهاټ، هنګو، کرک، لکی مروت، بنوں، ډېرہ اسماعیل خان، ټانک، پېښور ، نوښار ، چارسدہ، مردان، صوابی، سوات، مالاکنډ، چترال، كوز دیر٬ بر دير او د افغان كډوالو كېمپ شامل دے۔ ددې مهم په مهال به تر 5 كالو عمر 50 لكهه كوچنيانو ته د پوليو قطرې وركولې شي۔ دې مقصد لپاره 18 زره ډلې جوړې كړې شوي دي۔ د پوليو ډلو امنيت باوري كولو له سخت حفاظتي انتظامات شوي دي۔
