نیو یارک۔20مارچ (اے پی پی) پاکستان اقوام متحدہ دی سلامتی کونسل توں مطالبہ کیتے جو او آپݨی قرارداداں خاص طور تے پراݨے جھیڑے تے قراردادوں تے عملدرآمد دے طریقے تے سنجیدگی نال غور کرے ، پاکستان ایں ڳالھ تے زور ݙتے جو 15 رکنی ادارے کوں ودھدے ہوئے چیلنجاں دا جواب ݙیوݨ سانڳے زیادہ شفاف، جوابدہ، جامع اتے جمہوری بݨݨا چاہیدے ۔ منڳل کوں سلامتی کونسل دی تنظیم نو سانڳے لمبے وعرصے توں جاری مذاکرات دے ول شروع تھیوݨ تے سفیر منیر اکرم مندوبین کوں ݙسایا جو کوئی وی چیز کونسل دی ساکھ کوں منتخب نفاذ تے ایندی قرارداداں تے عمل نہ کرݨ توں ودھ مجروح نی کریندی ،قرارداداں تے عمل درآمد اچ ناکامی سلامتی کونسل دی ساکھ کوں مجروح کریندی اے تے اقوام متحدہ دے چارٹر دے ذریعے تفویض کیتیاں ڳیاں ذمے واریاں کوں پورا کرݨ ایندی اہلیت تے اعتماد کوں ختم کریندی اے ۔ آپݨے ریمارکس اچ پاکستان دے سفیر سلامتی کونسل دے کم کرݨ دے طریقے اچ شفافیت، احتساب اتے شمولیت کوں ودھارا ݙیوݨ سانڳے پاکستان دے عزم دا اعادہ کیتے ۔ بامعنی اصلاحات گھنݨ سانڳے اجتماعی کوششاں تے زور ݙتے۔
