اسلام آباد۔1اکتوبر (اے پی پی) وزیر اعظم شہباز شریف دی چین دے قومی ݙینھ تے چینی قیادت اتے عوام کوں مبارخ ݙیندیں ہوئیں آکھیا جو صدر شی جن پنگ دی ولولہ انگیز قیادت اچ چین غیر معمولی ترقی دا ہدف ڳھدے۔ منگل کوں ایکس تے آپݨے سنیھے اچ انہاں آکھیا جو پاکستان اتے چین آئرن برادر ہن۔ اساݙی تزویراتی سانجھے داری ویلھے دے نال مضبوط تھیندی پئی اے۔ انہاں آکھیا جو پاکستان اتے چین روڈ اینڈ بیلٹ منصوبہ دے فلیگ شپ پراجیکٹ ’’سی پیک‘‘ دی مکمل کامیابی کیتے پرعزم ہن۔ وزیراعظم آکھیا جو اڄ دے ݙینھ اساں چین نال ہر شعبے اچ تعلقات کوں ٻیا ودھاوݨ اتے علاقائی امن تے خوشحالی کیتے آپݨے تعلقات کوں ٻیا مضبوط ٻݨاوݨ کیتے رَل تے کم کرݨ دا عزم کریندوں۔
