اسلام آباد۔22دسمبر(اے پی پی)صدر مملکت آصف علی زرداری جنوبی وزیرستان اچ چیک پوسٹ تے دہشتگرداں دے حملے دی مذمت کریندے شہید تھیوݨ آلے جواناں کوں خراج عقیدت پیش کتیے اتے آکھیے جو پوری قوم دہشت گردی دے خلاف جنگ اچ اپݨی فورسز دے نال اے۔ صدر مملکت دہشت گرد حملے اچ 16 بہادر جواناں دی شہادت تے افسوس کیتے اتے ورثا کوں پرچاوݨی ݙیندے دعا کیتی۔ انہاں ملک توں فتنۃ الخوارج دے مکمل خاتمے تئیں کارروائیاں جاری رکھݨ دا عزم کریندے آکھیے جو دہشت گرد ملک و قوم اتے انسانیت دے دشمن ہین، دہشتگردی منݙھو مکݨ تئیں ایندے خلاف جنگ جاری رکھسوں۔
