اسلام آباد – 04 آڪٽوبر (اي پي پي) وزيراعظم جي سياسي معاملن واري خاص معاون ڊاڪٽر شهباز گل چيو آهي ته شهباز شريف کي پنجاب جي پڳ قرار ڏيڻ پڳ جي توهين آهي جڏهن ته پنجاب جي پڳ ته عزت جي نشاندهي هوندي آهي، شريف خاندان چوري ۽ ڦرلٽ جي علامت بڻجي چڪو آهي. پنهنجي جدا جدا ٽوئيٽس ۾ وزيراعظم جي خاص معاون چيو ته جيڪڏهن آمريڪا جو ميزائل ڏسي ميزائل ٺاهي ورتو هو ته يو ڪي جي اسپتال ڏسي پنهنجي لاءِ هڪ عدد اسپتال ئي ٺاهي ڇڏين ها.
