اسلام آباد – 12 فيبروري (اي پي پي) اطلاعات ۽ نشريات واري وفاقي وزير سينيٽر شبلي فراز چيو آهي ته ڏکڻ وزيرستان ۾ 4 فوجي جوانن جي شهادت تي بي حد ڏک آهي، ملڪ جي دفاع ۽ ملڪ ۾ امن قائم ڪرڻ جي عظيم مقصد لاءِ پنهنجي جانين جو نذرانو پيش ڪندڙ بهادر جوان قوم جا قابل فخر سپوٽ آهن. پنهنجي ٽوئيٽ ۾ سينيٽر شبلي فراز شهداءَ جي وارثن جي صبر، استقلال ۽ جرئت کي سلام پيش ڪيو، هن چيو ته آخري پساهه کڻندڙ دهشتگردن جي باقيات کي ختم ڪري ساهه پٽينداسين.
