اسلام آباد – 01 – آگسٽ (اي پي پي) وزير اعظم شهباز شريف خشنوب، ضلعي قلعي سيف الله ۾ ٻوڏ متاثرن جي لاءِ قائم خيما بستي چمن ۽ ٻوڏ سٽيل علائقن جي دوري تي ڪوئٽا پهچي ويو آهي. اطلات ۽ نشريات واري وفاقي وزير مريم اورنگزيب سومر تي پنهنجي ٽوئيٽ ۾ چيو ته وزيراعظم کي رستي ۾ اين ڊي ايم اي چيئرمين ريسڪيو ۽ امدادي ڪارروايون تي بريفنگ ڏني. پنهنجي هڪ ٻئي ٽوئيٽ ۾ اطلاعات واري وفاقي وزير چيو ته وزيراعظم پنهنجي دوري جي دوران بلوچستان جي ٻوڏ سٽيل علائقن ۾ امدادي ڪاررواين جو جائزو ۽ متاثرن سان ملاقات ڪندو. وزيراعظم خشنوب، ضلعي قلعي سيف الله ۾ ٻوڏ سٽيل جي لاءِ قائم ڪيل خيما بستي ۽ چمن ۾ ٻوڏ سٽيل علائقن جو دورو ڪندو ۽ مقامي ماڻهن سان ملاقات به ڪندو.
