اسلام آباد -16 آگسٽ (اي پي پي) سڌ سماءَ واري وفاقي وزير مريم اورنگزيب جلال پور پير والا انٽر چينج ويجهو ٽريفڪ حادثي ۾ قيمتي حياتين جي نقصان تي گهري ڏک ۽ افسوس جو اظهار ڪيو آهي. اڱاري ڏينهن پنهنجي بيان ۾ سڌ سماءَ واري وفاقي وزير فوت ٿي ويلن جي ڪٽنبن سان همدردي جو اظهار ڪندي چيو ته هن المناڪ حادثي تي هر اک آلي آهي. وارثن جي ڏک ۾ برابر جا شريڪ آهيون. هن دعا ڪئي ته الله تعاليٰ حادثي ۾ فوت ٿي ويلن جا درجا بلند فرمائي. وفاقي وزير حادثي ۾ زخمين جي جلد صحتيابي لاءِ پڻ دعا ڪئي.
