اسلام آباد۔12اگست (اے پی پی) پاکستان دے 75 ویں یوم آزادی کیتے پورے ملک اچ تیاریاں عروج تے ہن، پاکستان دا 75 واں یوم آزادی (پرسوں) ملی جوش تےجذبے نال منایا ویسی۔ یوم آزادی دے موقع تے سرکاری اتے نجی سطح تے مختلف تقریبات تھیسن۔ ݙینھ ملکی دی ترقی اتے استحکام کیتے خصوصی دعائیں نال شروع تھیسی۔ یوم آزادی دے موقع تے بابائے قوم قائداعظم محمد علی جناح کوں برصغیر دے مسلماناں کیتے ہک انڄ وطن ٻݨاوݨ کیتے انہاں دی کوششاں تے خراج عقیدت پیش کیتا ویسی۔ ٻاہرلے ملک پاکستانی سفارت خانیاں تے پرچم کشائی دی تقریباں تھیسن جئیں اچ تارکین وطن پاکستانی وی شریک تھیسن۔ یوم آزادی توں پہلے سرکاری تے نجی عمارتاں، بازاراں اتے مارکیٹاں کوں سجایا ویسی۔ یوم آزادی دی تقریبات بارے قومی پرچم، تحریک پاکستان دے بانیاں دی تصویراں اتے بینرز ڄاہ ڄاہ تے لاتے ویسن۔ پاکستان ٹیلی ویژن، ریڈیو پاکستان اتے ٻئیا ذرائع ابلاغ ولوں ݙینھ دی مناسبت نال مختلف پروگرام ترتیب ݙتے ڳئن۔ یوم آزادی دے موقع تے اخبارات خصوصی ایڈیشن شائع کریسن۔ کراچی اچ بانی پاکستان قائداعظم محمد علی جناح دے مزار تے گارڈز دی تبدیلی شاندار تقریب تھیسی۔ لاہور اچ علامہ ڈاکٹر محمد اقبال دے مزار تے وی گارڈز دی تبدیلی دی خصوصی تقریب تھیسن۔
