کوئٹہ۔5مارچ(اے پی پی) بلوچستان دے نویں گورنر ملک عبدالولی کاکڑ حلف چا ڳھدا ، حلف برداری دی تقریب اتوار کوں گورنر ہاؤس کوئٹہ اچ تھئی ،چیف جسٹس بلوچستان ہائیکورٹ جسٹس نعیم اختر افغان نویں گورنر ملک عبدالولی کاکڑ توں انہاں دے عہدے دا حلف ڳھدا ،حلف برداری دی تقریب اچ صوبائی وزرا اتے ارکان پارلیمنٹ ، قبائلی عمائدین شرکت کیتی، ملک عبدالولی کاکڑ بلوچستان دے 23 ویں گورنر ہن، تقریب حلف برداری اچ بلوچستان ہائیکورٹ دے معززججز، سیاسی وسماجی رہنماواں، صحافیاں، یونیورسٹیز دے وائس چانسلرز اتے مختلف شعبیں توں تعلق رکھݨ آلے لوکاں شرکت کیتی ۔
