لاہور۔15دسمبر(اے پی پی)صدر مملکت ڈاکٹر عارف علوی آکھیے جو علم اتے استاد دا رشتہ لازم و ملزوم اے، کتاب پڑھݨ دی ریت ودھاوݨ کیتے تحقیقی شعبے تے توجہ ݙیوݨی ہوسی، جدید ٹیکنالوجی تعلیم کوں سوکھا کر ݙتے۔ اے ڳالھ انہاں ڈاکٹر جمیل جالبی ادبی ایوارڈ دی تقریب نال خطاب اچ آکھی۔ ڈاکٹر عارف علوی آکھیے جو کتاباں دا شوق ضروری اے، مصروفیات پاروں کتاباں اچ دلچسپی ڳھٹ ڳئی اے، جے تئیں اساں جدید تحقیق، تعلیم کوں نا ودھیسوں تاں پچھو تے رہ ویسوں، ادبی سرگرمیاں ودھاوݨ کیتے کم کرݨ آلے قابل تعریف ہین۔ صدر مملکت ادب کیتے ڈاکٹر خاور جمیل دیاں کوششاں تے تعریف کیتی۔ تقریب دے چھیکڑ تے یاسمین حمید کوں “جنوبی ایشیا دی منتخب ناظمین” دے ترجمہ تے، خرم شہزاد کوں تحقیق و تنقید اتے نسیم جعفری کوں ٻالاں دے ادب کیتے ایوارڈز ݙتن۔
