اسلام آباد۔21مارچ(اے پی پی) سپیکر قومی اسمبلی راجہ پرویز اشرف آل پاکستان نیوز پیپرز سوسائٹی دے نویں منتخب عہدیداران کوں مبارخ ݙتی اے ۔ آپݨے بیان اچ انہاں آکھیے آل پاکستان نیوز پیپرز سوسائٹی دے نویں منتخب عہدیداران ناز آفرین سہگل لاکھانی کوں صدر، سرمد علی کوں سیکرٹری جنرل، امتنان شاہد کوں سینئر نائب صدر، محمد اسلم قاضی کوں نائب صدر، ایس ایم منیر جیلانی کوں جوائنٹ سیکرٹری اتے شہاب زبیری کوں فنانس سیکرٹری منتخب تھیوݨ تے مبارخ ݙتی ۔ سپیکر قومی اسمبلی ایں امید دا اظہار کیتے جو آل پاکستان نیوز پیپرز سوسائٹی دے نویں منتخب عہدیداران ملک اچ ذرائع ابلاغ دی ترقی کیتے اپݨی کوششاں جاری رکھیسن ۔انہاں آکھیے ذرائع ابلاغ ملک اچ امن، برداشت، اخلاقی اتے جمہوری اقدار دے ودھارے کیتے آپݨا ذمہ دارانہ کردار ادا کریسن۔سپیکر قومی اسمبلی ذرائع ابلاغ کوں ملک اچ نقلی خبراں دے تدارک کیتے اخبارات دی طرفوں کردار نبھاوݨ دی لوڑھ تے زور ݙتا ۔انہاں آکھیے میڈیا معاشی اتے سماجی مسئلیں دے حل کیتے مثبت تجاویز ݙیوے ۔
