اسلام آباد۔5جون (اے پی پی):وزیر خارجہ بلاول بھٹو زرداری اردن دے دورے توں بعد عراق دے نائب وزیراعظم اتے وزیر خارجہ ڈاکٹر فواد حسین دی دعوت تے اڄ 5 جون توں 7 جون تئیں عراق دا دورہ کریندے پئن ۔ دفتر خارجہ موجب وزیر خارجہ بلاول بھٹو زرداری دا عراق دا اے پہلا دورہ اے۔ بلاول بھٹو زرداری دورے اچ وزیر خارجہ تے عراقی قیادت نال ملاقات کریسن ۔ عراقی ہم منصب نال ملاقات اچ فریقین مشترکہ دلچسپی دے ٻہوں سارے امور تے ڳالھ مہاڑ کریسن تے ݙو طرفہ تعاون دا رستہ ڳولیسن ۔ وزیر خارجہ بلاول بھٹو زرداری پاکستانی زائرین دی سہولت کیتے کربلا اچ زائرین دے سینٹر دے قیام دا باضابطہ اعلان کریسن تے سفارتخانے دے کمپلیکس دا سنگ بنیاد وی رکھیسن ۔ وزیر خارجہ دے دورہ عراق نال ݙوہیں ملکاں وچال تعلیم دے شعبے، ثقافتی تعاون اتے ویزا دی سہولت متعلق ٻہوں سارے معاہدیں تے دستخط وی متوقع ہن۔
