اسلام آباد۔27دسمبر(اے پی پی)صدر مملکت ڈاکٹر عارف علوی وفاقی محتسب دے ایچ ای سی کوں ڈگری دی تصدیق دے احکامات برقرار رکھیندے طلبہ دیاں ڈگریاں دی تصدیق توں انکار تے کوڑیندے ہوئے آکھیے جو 7 ݙینھ دے اندرو طالبعلم دے ویلھے دا ضیان کرݨ آلے ذمہ داراں دے خلاف انکوائری شروع کیتی ونڄے۔ سویرا آفریدی (شکایت کنندہ) بی اے اتے ڈی ایم سی دی ڈگری دی تصدیق کیتے ایچ ای سی کوں درخواست ݙتی ہئی ٻھل ایچ ای سی ٹینکنیکل بنیاد تے تصدیق توں انکار کر ݙتے۔ طالبہ ایں معاملے تے وفاق محتسب کوں شکایت کیتی تے وفاقی محتسب طالبہ دے حق ااچ فیصلہ ݙتے۔ ایچ ای سی وفاقی محتسب دے فیصلے تے نظر ثانی دی درخواست کیتی ڄیڑھی مسترد تھی ڳئی۔ بعد اچ ایچ ای سی معاملہ صدر مملکت کوں ٻھیڄ ݙتے۔ صدر مملکت کیس دی ذاتی سماعت کیتی اتے ایچ ای سی دی نمائندگی مسترد کرݙتی۔ صدر آکھیے جو ایچ ای سی کوں متعلقہ یونیورسٹی توں پچھ پریت کرݨی چاہیدی ہئی ٻھل اوں الٹا طالبہ کوں ازمائش اچ ڳھتیے اتے اوندا ویلھا ونڄائے۔
