ملتان۔ 08 مئی (اے پی پی) چیئرمین سینیٹ سید یوسف رضا گیلانی آکھیا جو وفاقی تے صوبائی حکومت نال رَل تے جنوبی پنجاب کیتے ترقیاتی فنڈز دے بجٹ اچ ودھارا کرویسوں۔ اے ڳالھیں انہاں بدھ کوں جنوبی پنجاب سیکریٹریٹ اچ مختلف وفوف نال ملاقات اچ آکھی۔ سابق مشیروزیراعلیٰ پنجاب ملک اسحاق بچہ ،حاجی لیاقت بوسن،رانا عاشق نون ،ملک اسلم منگانہ اتے ڈائریکٹر حج ریحان کھوکھر سودھے مختلف عمائدین اتے معززین شہر دے وفود انہاں نال ملاقات کیتی۔ وفود خطے دی ترقی کیتے سید یوسف رضا گیلانی دے کردار دی تعریف کیتی۔ ڈائریکٹر حج ریحان کھوکھر چیئرمین سینیٹ کوں حج فلائٹس اتےآپریشن بارے بریفنگ ݙتی۔
