اسلام آباد – پهرين جولاءِ (اي پي پي) اطلاعات ۽ نشريات واري سيڪريٽري سيد عمران گرديزي چيو آهي ته صحافين جا سمورا مسئلا ترجيحي بنيادن تي حل ڪيا ويندا. جمعي ڏينهن راولپنڊي اسلام آباد يونين آف جرنلسٽس (آر آءِ يو جي) جي وفد سان ڳالهائيندي اطلاعات ۽ نشريات واري سيڪريٽري کين خاطري ڪرائي ته وزارت صحافي تنظيمن جي اڳواڻن سان گڏجي انهن جا سمورا مسئلا حل ڪرڻ ۾ تعاون ڪندي. آر آءِ يو جي جي صدر علي رضا علوي جي قيادت ۾ وفد اطلاعات ۽ نشريات واري سيڪريٽري سان ملاقات ڪئي.
