اسلام آباد۔5جولائی (اے پی پی):وفاقی وزیر منصوبہ بندی و ترقی پروفیسر احسن اقبال دی صدارت اچ ایس ڈی جیز وولنٹیری نیشنل ریوئیو فورم متعلقہ ابتدائی اجلاس تھئے۔ ریوئیو فورم متعلقہ ابتدائی اجلاس توں آپݨے خطاب اچ پروفیسر احسن اقبال آکھیے فورم تے پاکستان دی کارکردگی کوں پر عزم اتے مضبوط قوم دے طور تے اجاگر کریسوں ، اوکھے معاشی حالات دے باوجود اساں ھک ترقی یافتہ تے خوشحال قوم بݨ تے ابھرسوں ۔ انہاں آکھیے ریوئیو فورم دے موقع تے بین الاقوامی سطح تے ایس ڈی جیز توں اساں ہم آہنگ بیانیہ پیش کریسوں ،فورم دے ذریعے ترقی یافتہ ملکاں کوں روس یوکرین جنگ دے نتیجے اچ ترقی پزیر ملکاں سامݨے آندی سنگین معاشی صورتحال دا وی ݙسیسوں۔ انہاں آکھیے مستحکم معاشی نمو کیتے معاشرتی قیمت ادا کرݨی پوندی اے ، صوبیں نال رل تے ایس ڈی جیز اہداف دی کارکردگی دی پڑتال دا موثر نظام وضع کیتا ویسی ۔ وفاقی وزیر آکھیے پاکستان 2015 اچ ایس ڈی جیز اہداف کوں اسمبلی توں منظور کروا تے انہاں کوں قومی ترقی دا اہداف قرار ݙتا ہئی ۔وزارت منصوبہ بندی دی طرفوں بیان موجب ریوئیوفورم دا انعقاد 13 جولائی توں 15 جولائی 2022 تئیں نیو یارک اچ تھیسی ۔ اجلاس اچ وزیر منصوبہ بندی و ترقی پاکستان دی نمائندگی کریسن ۔
