اسلام آباد۔15جولائی(اے پی پی)وفاقی وزیر داخلہ رانا ثناء اللہ خان آکھیے جو متعلقہ ادارے معاشرے اچ اخلاقی اقدار پامال کرݨ آلیاں دے خلاف زیرو ٹالرنس پالیسی اپناون، شہریاں دی عزت نفس محفوظ ٻݨاوݨ، ہراسگی اتے بلیک میلنگ توں بچاوݨ کیتے ایف آئی اے، پی ٹی اے اتے ٻئے ادارے فعال کردار ادا کرن۔ وزارت داخلہ اچ اجلاس نال الیندے انہاں آکھیا جو لوکاں دے جان اتے مال دا تحفظ کیتا ویسی۔ اجلاس اچ سوشل میڈیا تےشہریاں دی ہراسگی،غیراخلاقی ویڈیوز اپلوڈ کرݨ، بلیک میلنگ اتے انہاں دی کردارکشی دے معاملات دا جائزہ ڳھدا ڳئے۔ اجلاس اچ سوشل میڈیا تے غیراخلاقی مواد دی تشہیر، شہریاں دی ہراسگی اتے کردار کشی نال ساکھ خراب کرݨ آلیآں دے خلاف کریک ڈاؤن دا فیصلہ کیتا ڳئے۔ وزیر داخلہ سائبرکرائم اچ ملوث افراد دے خلاف سخت کارروائی کیتے ڈائریکٹر جنرل ایف آئی اے کوں ہدایات ݙتن۔
