اسلام آباد۔29اگست (اے پی پی):انفارمیشن سروس اکیڈمی (آئی ایس اے) دے زیراہتمام سرکاری شعبہ دے ترقیاتی پروگرام (پی ایس ڈی پی) 23-2022دے تحت وزارت اطلاعات و نشریات اتے ایندے ذیلی اداریں دے ملازمین کیتے استعدادکار اچ ودھارے دے پروگرام دا آغاز کر ݙتا ڳئے ۔ ایں سلسلے اچ سنوار کوں اتھاں بالخصوص ریڈیو پاکستان (پی بی سی) دے افسران کیتے پراجیکٹ مانیٹرنگ اینڈ ایویلیوایشن سسٹم (پی ایم ای ایس) بارے ھک ݙینھ وار ورکشاپ اتے ”آئی ٹی، ڈیجیٹل میڈیا اتے ماس کمیونیکیشن” اچ ھک ہفتے دے تربیتی کورس دا انعقاد کیتا ڳئے ۔ وفاقی سیکرٹری اطلاعات و نشریات شاہیرہ شاہد افتتاحی تقریب توں خطاب کریندے ہوئیں آکھیے جو وزارت اطلاعات و نشریات میڈیا مینجمنٹ اتے ڈیجیٹل و سوشل میڈیا اتے تشہیر کیتے آئی ٹی دے استعمال سودھے میڈیا متعلق شعبیں اچ آپݨے افسران دی استعدادکار اچ ودھارے کوں ٻہوں زیادہ اہمیت ݙیندی اے ، انہاں آکھیے جو وزارت اطلاعات و نشریات ترقیاتی منصوبیں دی تیاری اتے انہاں تے عمل درآمد دے حوالے نال افسران اچ بنیادی سوجھ بجھ پیدا کرݨ چاہندی اے ، انہاں انفارمیشن سروس اکیڈمی دے زیراہتمام پی ایس ڈی پی 2022-23 منصوبہ دے تحت استعدادکار اچ ودھارے دے پروگرام دے اجراء کوں چنڳاں قرار ݙا ، انہاں آئی ایس اے دی سانجھ نال ھک ݙینھ وار پی ایم ای ایس ورکشاپ دے انعقاد کیتے پراجیکٹس ونگ، وزارت منصوبہ بندی و ترقی و خصوصی اقدامات بالخصوص ڈی جی (ایم آئی ایس) عمران لیاقت بیگ دی تعریف کیتی ، ایندے توں پہلے ڈی ایس (سی اینڈ ڈی) وزارت اطلاعات و نشریات محمد عثمان ڈار خصوصی ورکشاپ دے مقاصد تے روشنی پاتی جیں توں بعد وزارت منصوبہ بندی و ترقی دے ماہر خضر حیات صابری ترقیاتی منصوبیں دے مختلف پہلوواں، انہاں دی نگرانی اتے انہاں دی جانچ پڑتال دے طریقیں تے تفصیلی روشنی پاتی ۔ عمران لیاقت بیگ اتے خضر حیات صابری وزارت اطلاعات و نشریات دے مختلف محکمیں دے تقریباً 30 شرکاء دے سوالاں دے جواب وی ݙتے ۔ سیکرٹری اطلاعات و نشریات شاہیرہ شاہد ھک ݙینھ وار ورکشاپ دے شرکاء اچ سووینئر تے سنداں ونڈیاں ۔ وزارت اطلاعات و نشریات اتے وزارت منصوبہ بندی، ترقی و خصوصی اقدامات دے سینئر افسران وی تقریب اچ شرکت کیتی ۔
