راولپنڈی ۔27نومبر (اے پی پی) پاک فوج دے شعبہ تعلقات عامہ(آئی ایس پی آر) آرمی چیف جنرل قمر جاوید باجوہ دے خلاف مذموم مہم کوں حقائق دے منافی ، نِرا کوڑ اتے بدنیتی تے مبنی ݙیندیں ہوئیں آکھیا جو گمراہ کن اعدادوشمار مفروضیاں دی بنیاد تے ودھا چڑھا تے پیش کیتے ڳے۔ آئی ایس پی آر توں جاری بیان اچ آکھیا ڳیا جو آرمی چیف جنرل قمر جاوید باجوہ اتے انہاں دی فیملی دے اثاثیاں بارے سوشل میڈیا تے گمراہ کن اعدادشمار شیئر کیتے ڳن۔ اے گمراہ کن اعدادوشمار مفروضیاں تے ودھا چڑھا تے پیش کیتے ڳن۔ ہک خاص گروپ ٻہوں چالاکی تے بدنیتی نال جنرل باجوہ دے بہو دے پیو اتے فیملی دے اثاثیاں کوں آرمی چیف اتے انہاں دے ٹٻر نال جوڑیا ڳے۔ آئی ایس پی آر آکھیا جو اے سراسر غلط تاثر ویندا پے جو اے اثاثے آرمی چیف جنرل باجوہ دے چھی سال دے دور اچ انہاں دے سمدھی دی فیملی ٻݨائن۔ آرمی چیف جنرل قمر جاوید باجوہ، انہاں دی ذال اتے ٹٻر دا ہر اثاثہ ایف بی آر اچ باقاعدہ ڈکلیئرڈ اے۔ آرمی چیف تے انہاں دا ٹبر باقاعدگی نال ٹیکس ریٹرن فائل کریندن۔ ہر شہری وانڳ آرمی چیف اتے انہاں دی فیملی ٹیکس حکام سامھے اپݨےاثاثیاں بارے جواہ دہ ہن۔
