اسلام آباد۔5فروری(اے پی پی):چیئرمین سینیٹ محمد صادق سنجرانی سابق صدر جنرل(ر) پرویز مشرف دے انتقال تے ݙکھ تے افسوس کیتے اتوار دے ݙینھ سینیٹ میڈیا سیل توں جاری بیان موجب چیئرمین سینیٹ صادق سنجرانی آکھیے ݙکھے ویلھے لواحقین دے ݙکھ اچ برابر دے شریک ہیسے ۔ چیئرمین سینیٹ اللہ تعالیٰ توں دعا کیتی جو مرحوم دے مغفرت اتے درجات بلند کرے اتے غمزدہ خاندان کوں اے ݙکھ حوصلے تے صبر نال برداشت کرݨ دی توفیق ݙیوے ۔ڈپٹی چیئرمین سینیٹ مرزا محمد آفریدی، قائد حزب اختلاف سینیٹر ڈاکٹر شہزاد وسیم وی سابق صدر جنرل(ر) پرویز مشرف دے انتقال تے آپݨے انڄ انڄ تعزیتی پیغامات مرحوم دے اہلخانہ نال دلی ہمدردی دا اظہار کیتے ۔انہاں اللہ تعالی توں مرحوم دی مغفرت اتے اچے درجے دے دعا کیتی ۔
