لاہور۔28جنوری (اے پی پی):وفاقی وزیر اطلاعات و نشریات چوہدری فواد حسین آکھیے جو اڄ سینیٹ اچ ھک واری ول شکست اپوزیشن دا مقدر بݨی، اکثریت دے باوجود اپوزیشن ٻل روکݨ اچ ناکام رہی، جیڑھی جو اپوزیشن قومی اسمبلی اچ تحریک عدم اعتماد گھن آوݨ دا خواب ݙیکھدی پئی ہئی ، اپوزیشن دا اے خواب ایں ایوان اچ وی پورا نی تھیا جتھاں انہاں کوں نام نہاد اکثریت حاصل ہئی، ن لیگ اچ لیڈر شپ دی لڑائی اے، مولانا فضل الرحمان ریلو کٹے ہن، کݙاہیں او پیپلز پارٹی اتے کݙاہیں ن لیگ دے رلے ہوندن ، ثابت تھی ڳئے جو عمران خان دے اڳوں اے سیاسی پارٹیاں ڈھیر تھی چکئن ، نواز شریف آ ندے نئی پئے انہاں کوں گھن آیا ویندا پئے ، شاہد خاقان عباسی اتے کجھ دوست نواز شریف دے خلاف عدم اعتماد گھن آوݨ دا ارادہ رکھدن ۔ اے ڳال انہاں جمعے کوں اتھاں میڈیا نال ڳال مہاڑ کریندے ہوئیں آکھی اے ، وفاقی وزیر اطلاعات چوہدری فواد حسین آکھیے جو سینیٹ توں ٻل دی منظوری دے بعد آئی ایم ایف دی شرائط پوری تھی ڳئن ، ٻل دی منظوری دے بعد پاکستان دی معیشت اچ استحکام آسی ، روپے دی قدر مستحکم تھیسی ۔ انہاں آکھیے جو آئی ایم ایف توں معاہدے دے بعد کریڈٹ ریٹنگ بہترتھی ویندی اے ، جیڑھے ادارے پاکستان دے نال لین دین کریندن انہاں کوں استحکام ملدے انہاں آکھیے اڄ ایں ٻل دی منظوری توں اپوزیشن کوں ھک واری ول شکست دا سامݨا کرݨا پئے، جیڑھی جو اپوزیشن قومی اسمبلی اچ تحریک عدم اعتماد گھن آوݨ دا خواب ݙیکھدی پئی ہئی ایندے توں پتہ لڳدے جو ایندا خواب ایں ایوان اچ وی پورا نی تھیا جتھاں انہاں کوں نام نہاد اکثریت حاصل ہئی۔
